Ævintýraferð til Suður-Ameríku 2022

Perú - Quito - Galápagoseyja - Bogota

Þjórfé: u.þ.b. 6 USD dollar á dag en hægt er að greiða í innlendum gjaldmiðli.

Innifalið: Öll flug, innanlands- og millilandaflug, allar ferðir, matur skv. dagskrá, hótel, aðgangseyrir inn á söfn, fararstjórn innfæddra.

Ekki innifalið: Þær máltíðir sem ekki er minnst á í dagskrá, drykkir, þjórfé.

Greiðsla fyrir ferðapassa til Galápagoseyja USD/einstakl. USD 125 er ekki innifalin.

Windsor, Bershire; Windsor and Maidenhead; House of Windsor

KEF til Lond. Heathrow. (LHR) Eftir lendinhgu stuttur akstur til Windsor og afslöppun þar fram til ca. 16.00. Þá ekið aftur að flugvelli og flogið til Bogota og frá Bogota til Lima snemma morguns.

Flogið frá London, Heatrow (LHR) til Bogota (BOG) og frá Bogota til Lima (LIM) snemma morguns. Við komuna til Lima er ekið að veitingastað í nágrenni flugvallarins og snæddur hádegisverður. Um ca. kl. 13.30 er haldið aftur á flugvöllinn og flogið til Cusco (CUZ).

Málsverðir: Hádegisverður. (í Lima).

Afslöppun í Cusco (þá menn lagt sig) og hópnum safnað saman um kvöldið og farið á veitingastað í nágrenni hótels eða á hótelinu sjálfu.

Cusco er í 3.400 mys.

Cusco, kort af borginni.

Málsverðir: Morgunmatur, hádegismatur og kvöldmatur.

Hádegisverður á Pachapapa veitingastaðnum.

Koricanca hofið þar sem innfæddir dýrkuðu sólguðinn Inti. Frá tímum Spánverja stendur þar einnig kirkja dóminíkanna, kirkja heilags Domingo.

Sacsayhuamán virkið

Við heimsækjum búð sem selur ýmiss konar varning og list heimamannna.

Kvöldverður, hlaðborð og sýning á Tunupa veitingastaðnum.

Hótel: Ramada Costa del Sol Cusco

Helgi dalurinn „Sacret Valley“. Skoðunarferð.

Málsverðir: Morgunmatur, hádegisverður og kvöldverður.

Um morguninn verðið þið sótt á hótelið ykkar í Cusco og þaðan ekið í „Dalinn Helga“ og þar heimsækum við bæinn Chinchero, hefðbundinn þéttbýlisstað í Cusco umdæminu. Chinchero stendur nokkuð hátt með fallegu útsýni yfir dalinn. Íbúar þessa svæðis varðveita handverks- og erfðaþekkingu Inkanna sem þeir sýna í fötum sínum og siðum. Í Chinchero eru líka fornleifar og falleg sautjándu aldar kirkja, ein af fyrstu byggingunum kaþólskra í Perú. Síðan förum við í útisafnið í Yucay, miðstöð varðveiðslu hefða í byggðum Andesfjalla. Þar er sýnikennsla á textílvinnu, gerð adobe^*), leirmuna og silfurmuna á líkan hátt og áður var í fyrndinni; endurtekning á upprunalegum hefðum Inka. Einnig eru þarna í safninu meðal annars lamadýr, sauðfé og alpakka og þeim má gefa! Síðan njótum við dýrindis hádegisverðar í Dalnum Helga. Á leiðinni að Ollantaytambo „virkinu“, skynjum við Andesstemminguna á svæðinu, þar sem borgarskipulag Inka er varðveitt og enn er í ábúð. Við göngum upp í tröppurnar sem liggja upp í hlíð á fjallsins og að þessu loknu er okkur ekið á hótelið. Á sunnudögum er einnig áhugavert að heimsækja næsta markað.

^*) Bygggingarefni úr leir og jurtaleifum.

Hótel: San Augustin Recoleta er í bænum Urubamba, 2.870 mys. íb. 2.700. Bærinn steendur við Urubamba ána sem einnig er nefnd Vilcamayo á.

Machu Picchu 2.430 mys.

Málsverðir: morgunmatur, hádegis- og kvöldverður.

Lagt af stað eldsnemma um morguninn og ekið til lestarstöðvarinnar í Urubamba stærstu borgarinnara í „Helga Dalnum“ (u.þ.b. 10 mín. akstur). Þaðan verður farið í lest til Aguas Calientes (uþb. 1 ½ klst ).

Aðeins léttur handfarangur, stærri og þyndgri hlutar geymdir á hótelinu.

Þegar komið er til Aquas Calientes er handfarangurinn fluttur til hótelsins El Mapi en við höldum rakleiðis til stöðvarinnar þaðan sem litlar rútur flytja okkur upp til Machu Picchu. Gleymið samt ekki að hafa meðferðis: Vegabréf, síma, myndavél og regnslá (ponco).

Hótel: El MaPi Hotel byInkaterra

Urubamba, 2.870 mys. íb. 2.700. Bærinn steendur við Urubamba ána sem einnig er nefnd Vilcamayo á.

Aguas Calientes, 2,040 mys. íb. 4.525

Machu Picchu– Cusco, Hver uppgötvaði Machu Picchu

Málsverðir: Morgunmatur, hádegis- og kvöldverður.

Það gefst tími til að fara aftur upp í Machu Picchu.

Hægt er að fá hádegisverð á veitingastaðnum Café Inkaterra og farið aftur með lestinni til Urubamba seinni partinn og þaðan ekið til Cusco.

Cusco– Lima.

Málsverðir: Morgunmatur, hádegisverður

Frí tími fram að hádegi. Þá er ekið á veitingastaðinn Inkanto og seinni partinn haldið á flugvöll og flogið til Lima og farið inn á hótel.

Lent í Lima og ekið inn á hótel Pullman Miraflores.

Málsverðir: Morgunmatur.

Skoðunarferð um Lima undir hádegi og heimsækjum miðborg Lima sem geymir byggingar frá nýlendutímanum, skoðum okkur um á aðaltorgi borgarinnar (Plaza Mayor) þar sem er forsetahöllin, dómkirkjan, ráðhúsið o.fl. Förum þá að kirkju heilags Domingo og klaustri, sem eru byggingar frá 17.öld og eru á heimsminjaskrá UNESCO. Þaðan liggur leiðin í hverfi sem kennt er við heilagan Isidórus og höldum svo heim á hótel

Frjáls tími fram til hádegis en þá er haldið til Larco Herrera safnsins og snæddur þar góður hádegisverður á úrvals veitingastað sem tengist safninu (Museo Larco Café-Restaurant)
Fordrykkur að hætti heimamanna.

Morgunmatur, hádegis- eða kvöldverður.

Líma–Bogotá–Quito

Málsverðir: morgunmatur.

Frjáls dagur fram eftir degi en þá verður farið á flugvöll og flogið til Quito með stoppi í Bogota. Við komuna til Quito höldum við á hótel.

Bogotá

Quito

Málssverðir: Morgunmatur, hádegismatur og súkkulaðismökkun.

Hótel Ibisa

Leiðsögumaður kemur á rútu eftir morgunmat og haldið til miðju borgarinnar, sem er á Heimsminjaskrá. Quito býr yfir ríkri sögu, mörgum minjum, vel földum ástarsögum, sögum af uppreisnum og fleiru. Margs konar arkitektúr má sjá í borgarmiðjunni og handverksmenn hafa haft þar aðsetur um aldir. Helstu kirkjur borgarinnar, Compania og San Francisco eru mikil mannvirki, og einnig heimsækjum við forsetahöllina, dómkirkju borgarinnar o.fl .Þá eru Quito-búar þekktir fyrir súkkulaðiframleiðslu sína og heimsækjum við því sælgætisgerð og fáum að smakka. Hádegisverður er svo snæddur á hæð yfir borginni. Eftir hádegið er svo jarðarmiðju svæðið og gefst þar tækifæri til að taka myndir yfir borgina.

Eftir morgunmat er ekið að flugvelli og flogið til Baltra flugvallar (GPS) á Galápagoseyjum.

Málsverðir: Morgunmatur og hádegismatur.

Fyrir flugið þarf að skanna vegabréfin til þess að fá nokkurs kkonar visa fyrir Galápagoseyjar. Það er tvíblöðungur sem þarf að fylgja vegabréfinu á meðan dvalið er á eyjunum. Hann kostar ~ USD 20.

Við komuna til eyjanna eru greiddir USD 100 fyrir aðgang að eyjunum.

Baltra ey - Seymour Ecological Galápagos Airport (GPS) – Hálönd Santa Cruz.

Þar taka leiðsögumenn við hópnum og ekið að Itabaca-sundi og siglt til Santa Cruz eyjar.

Eftir komuna til eyjarinnar er ekið upp í fjalllendið á Santa Gruz. Farið kringum Manzanillo búgarðinn og farið í gönguferð inn í skógana og leitaðar upp stór-skjaldbökur. Þá heimsækjum við hraunhella og fáum hádegisverð á búgarðinum. Seinni partinn er svo ekið niður til Puerto Ayora og ritað inn á hótel.

Hótel Fiesta

Sigling og ferðir um Pinzon eyju.

Málsverðir: Morgunmatur og hádegismatur.

Eftir morgunmat farið að Puerto Ayora höfn og siglt til Pinzon eyjar. Fyrst er stoppað við La Fe rifin þar sem menn geta snorklað en jafnframt séð hákarla, ýmsar sjaldséðar fisktegundir og sjávar-skjalbökur. Hádegisverður um borð í skipinu og eftir matinn haldið til La Rosa sin Nombre og þar er dýralífið fjölbreytilegt. Siglt til baka til Puerto Ayora seinni partinn.

Kort af Galápagoseyjum: svg-mynd 1, svg-mynd 2, Dýralíf, Stærð eyjanna, Helstu eldgosin

Flóasigling

Málsverðir: Morgunmatur og hádegismatur.

Eftir morgunmat er haldið í ferðalag um Santa Cruz og m.a. heimsótt „La Lobería“ sem dregur nafn sitt af dvalarstað sæljóna. Þá er haldið til Punta Estrada, Playa de los Perros og Las Grietas og gefst m.a. tækifæri til að synda í kristaltærum sjónum.

Eftir hádegisverð er haldið til Tortuga-flóa. Nafnið Tortuga þýðir í raun – skjaldbaka- en þar verpa sæskjaldbökurnar. Hin hvíta strönd við flóann er sú fallegasta á Galápagos. Til að fara niður á ströndina er genginn afmarkaður stígur, tveir kílómetrar. Að lokinni skoðun er haldið aftur til baka á hótel.

Haldið frá Galápagoseyjum til Quito.

Málsverðir: Morgunmatur.

Eftir hádegit er aftur haldið til flugvallar og flogið til Quito og frjáls dagur í Quito. Kvöldverður.

Gisting: Hotel Augusta

Frá Quito til Bogotá.

Málsverðir: Morgunmatur og kvöldverður.

Flogið til Bogota seinni partinn. Við komu þangað er tekið á móti hópnum og haldið til hótels og snæddur kvöldverður.

Gisting: Hotel La Opera (miðsvæðis).

Skoðunarferð um miðbæinn

Málsverðir: Morgunmatur og hádegisverður.

Þá er haldið í skoðunarferð um borgina, heimsótt m.a. hið fræga gullsafn, Botero-safnið og gengið um miðbæinn. Hádegisverður. Skoðunarferð lýkur seinni partinn með kaffismökkun. (besta kaffi heims!).

Gisting: Hotel La Opera (miðsvæðis).

Nágrenni Bogota

Málsverðir: Morgunmatur.

Ekið út fyrir borgina og upp í hæðirnar kringum borgina þar sem er stórfenglegt útsýni.

Gisting: Hotel La Opera (miðsvæðis)

Afslöppunardagur og flugferðir.

Málsverðir: Morgunmatur.

Hér er um frjálsan dag að ræða en seinnipartinn er ekið út á flugvöll og flogið um kvöldið til Lundúna.

Lent þar um kl. 14:30 (þann 2.11.) og svo flogið heim með Flugleiðum um kl. 20:00 til Keflavíkur.

Grein um Galápagoseyjar er í Jarðfræðiglósum GK

ggk.is → Jarðfræðiglósum GK → Leit → galápagos eða INDEX → G → Galápagos

Listi yfir stærstu eyjarnar og eldgos á eyjunum.